Plantun de Prouvènço

Pèr coumpara dos planto d'encò nostre

Dicranum scoparium & Myosotis corsicana subsp. pyrenaeorum

Dicranum scoparium

Dicranaceae

Nom en français : Dicrane à balai.

Descripcioun :
Aquelo mousso acroucarpo pulèu de bono taio (5 à 10 cm) fai de mato souvènt redouno, mai que podon proun s'alarga. Au sourno dins li bos, èi proun verdo alor qu'au lume e sus cauquié pòu veni jauno. Li fueio, en lanço, soun proun longo fin qu'à 1 cm (x 2 mm) emé 4 lamo dentado (la pouncho adounc aparèis dentado sus lou dessubre). Li celulo soun longo e s'apichounisson sus li bout (prosenchime). Bèn que diouïco douno facilamen d'espouroufite.

Usanço :
Es uno mousso chanjadisso e èi toujour poussible de s'engana emé d'espèci mai raro dóu meme gènre.

Port : Acroucarpo
Taio : 2 à 10 cm
Fueio : 5 à 10 mm
Tipe bioulougico :
Cicle bioulougico : Planto renadivo

Gènre : Dicranum
Famiho : Dicranaceae

Ordre : Dicranales

Coulour de la flour :
Petalo : 2 à 5 cm
Ø (o loungour) flour : Dènt divisado (16)
Flourido : Autouno - Ivèr

Sòu : Si (Ca)
Autour basso e auto : 50 à 2000 m
Aparado : Noun
Nouvèmbre-Mars

Liò : Terralado - Aubre - Roucas - Sòu
Estànci : Mesoumediterran à Subaupen
Couroulougi : Oulartico
Ref. sc. : Dicranum scoparium Hedw., 1801

Te-vese-e-t'ame(-di-Pirenèu)

Myosotis corsicana subsp. pyrenaeorum

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Nom en français : Myosotis des Pyrénéens.

Descripcioun :
Aurés pas besoun d'ana dins li Pirenèu pèr lou rescountra, qu'aquesto meno trachis dins Ventour. Sèmblo bèn mai proche di te-vese-e-t'ame d'aquésti mountagno, e de Corso, que li dis Aup. Sabès que tout acò èro estaca avans la derivo Corso-Sardo i'a peraqui 35 MA. Se destrìo de sa cousino dis Aup que i'a ges de péu dessouto li fueio, s'atrovo pamens de péu croucu sus li costo di sepalo (fotò) e proun de péu sus si bord.

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").

Port : Erbo
Taio : 5 à 25 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Myosotis
Famiho : Boraginaceae

Coulour de la flour : Bluio
Petalo : 5
Ø (o loungour) flour : 6 à 9 mm
Flourido : Estiéu

Sòu : Ca
Autour basso e auto : 1500 à 2700 m
Aparado : Noun
Juliet à avoust

Liò : Pelouso - Coumbo à nèu
Estànci : Mountagnard à Aupen
Couroulougi : Ouroufito-Sud-Éuroupo
Ref. sc. : Myosotis corsicana subsp. pyrenaeorum Blaise & Kerguélen, 1992 (= Myosotis alpestris subsp. pyrenaearum (Blaise & Kerguélen) J.M.Tison )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Dicranum scoparium & Myosotis corsicana subsp. pyrenaeorum

ges

CCC

Coumpara Dicrane-à-escoubo emé uno autro planto

Coumpara Te-vese-e-t'ame(-di-Pirenèu) emé uno autro planto